Përparon sërish ushtria ukrainase, pushton qytetin Sudzha në rajonin Kursk të Rusisë

17:18 | 15 Gusht 2024
E.H

Presidenti i Ukrainës, Volodymyr Zelenskyy thotë se trupat ukrainase kanë pushtuar qytetin rus Sudzha në rajonin e Kurskut.

Qyteti është më i madhi mbi të cilin Ukraina ka marrë kontroll deri më tani, me një popullsi të paraluftës prej rreth 5,000 banorësh, shkruan Sky News, transmeton Arbresh.info.

Presidenti emëroi Sudzha si vendndodhjen e zyrës së komandantit ushtarak ukrainas.

Dje, një kanal ukrainas i lajmeve publikoi një video që shfaqte ushtarët duke hequr flamujt rusë nga një ndërtesë administrative në qytet, duke thirrur “lavdi Ukrainës, lavdi heronjve”.

Sudzha është afërsisht 65 milje në jugperëndim të kryeqytetit rajonal, qytetit Kursk.

Gazi natyror rrjedh nga fushat e gazit të Siberisë Perëndimore nëpërmjet tubacioneve që kalojnë përmes Sudzha dhe kalojnë kufirin ukrainas në sistemin e Ukrainës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm